این سی او سی کے سربراہ اسد عمر کی زیرصدارت خصوصی اجلاس ہوا ، جس میں وزیراعظم عمران خان کے معاون خصوصی برائے صحت ڈاکٹر فیصل سلطان اور دیگر نے بھی شرکت کی.
اجلاس میں این سی او سی کی جانب سے عیدالفطر کے لیے گائیڈلائنز کی منظوری دے دی گئی۔
این سی او سی کی گائیڈلائنز میں کہا گیا ہے کہ عید کی نماز کورونا ایس او پیز کے ساتھ کھلی جگہوں پر پڑھائی جائے، اگر مسجد کے اندر نماز پڑھانا ضروری ہو تو دروازے اور کھڑکیاں کھلی رکھیں،مساجد کے داخلی راستوں پر ہینڈ سینیٹائزر رکھے جائیں اور نمازیوں کے درمیان 6 فٹ کا فاصلہ رکھا جائے، نماز پڑھنے والے اپنی جائے نماز ساتھ لائیں اور وضو گھر سے کرکے آئیں اور ماسک ضرور پہنیں بنا ماسک کے کوئی شہری مسجد میں داخل نہیں ہوگا، گلے ملنے اور ہاتھ ملانے سے گریز کریں، مسجد یا کسی بھی کھلی جگہ پر رش کم کرنے کے لیے نماز دو سے تین بار پڑھائی جائے اور نماز عید کا خطبہ محدود رکھا جائے، بیمار شہری ، بزرگ افراد اور 15 سال سے کم عمر بچے نماز عید میں نا آئے۔
تبصرے
ایک تبصرہ شائع کریں