دورہ جنوبی افریقا: دوسرے ایک روزہ میچ میں پاکستان کو شکست

 جنوبی افریقا نے دوسرے ایک روزہ میچ میں پاکستان کو شکست دے کر 3 میچوں کی سیریز 1، 1 سے برابر کردی۔
جوہانسبرگ میں کھیلے گئے میچ میں جنوبی افریقا نے پاکستان کو 342 رنز کا ہدف دیا لیکن گرین شرٹس 9 وکٹ پر 324 رنز تک محدود رہی۔
جنوبی افریقا کے خلاف پاکستان کو 17 رنز سے شکست ہوئی ۔

 

 

فخر زمان نے 155 گیندوں پر 193 رنز کی اننگز کھیلی،وہ آخری اوور میں رن آوٹ ہوئے، اس دوران انہوں نے 10 چھکے اور 18 چوکے لگائے۔گرین شرٹس کی طرف سے دیگر کھلاڑیوں میں کپتان بابراعظم نے 33، آصف علی نے 19، شاداب خان 13، فہیم اشرف 11 رنز بناکر پویلین لوٹ گئے جبکہ محمد حسنین نے ناقابل شکست 12 رنز بنائے۔امام الحق 5، محمد رضوان صفر، دانش عزیز9، شاہین آفریدی 5 اور حارث روف 1 رنز بناسکے۔