امریکہ نے پاکستان کی ترکی سے دفاعی ڈیل منسوخ کروا دی۔

 

امریکا نے پاکستان کو ترکی کی جانب سے ملنے والے گن شپ ہیلی کاپٹر کی فراہمی سے رکوا دی۔

بلوم برگ کی رپورٹ کے مطابق ترک صدر طیب اردگان کے ترجمان نے ابراہیم کالن نے ایک نیوز کانفرنس میں بتایا کہ امریکا نے ترکی کی جانب سے پاکستان کو 30 گن شپ ہیلی کاپٹرز کے انجن کی فراہمی روک دی ہے جس کے بعد امکان ہے کہ پاکستان یہ لڑاکا ہیلی کاپٹرز چین سے خریدے گا۔

لڑاکا ہیلی کاپٹر ATAK T-129 دو انجنز پر مشتمل کسی بھی موسم میں حملے کی صلاحیت رکھتا ہے جس میں امریکی انجن لگے ہوتے ہیں تاہم امریکا نے ترک کمپنی کو انجنز کی فراہمی کے لیے لائسنس دینے سے انکار کردیا ہے، ترج صدر کے ترجمان کا کہنا ہے کہ امریکا انجن کی فراہمی روک کر اپنے مفادات کو نقصان پہنچایا ہے۔

واضح رہے کہ اگست 2018 میں ترکی اور پاکستان کے درمیان 30 گن شپ ہیلی کاپٹرز کی خریداری کے لیے 1.5 بلین ڈالرز  کی ڈیل ہوئی تھی۔ تاہم امریکا کی جانب سے ترک کمپنی کو لائسنس کی فراہمی روکے جانے پر یہ معاملہ التوا کا شکار ہوگیا ہے۔